黑糖薑茶

老友送我沖繩手信，今晚就補一補先，多謝哂老友記！

 

 

抵玩一天

 

 

第一次到三門仔漁村，感覺都唔錯！

跟住去錦興麵館，單看外表，麻麻地，但入內地方乾淨，尤其廁所，冷氣充足。錦興基本上只做批發，原來我地平時好多機會都食到佢嘅產品，香港大部份食店都係由佢地供應，如美心。當然有得試食，驚喜的不在於麵，係佢地嘅橄欖菜同鮑魚汁，禁不住要買返屋企！

 

 

另外還有一個小小煮麵秘訣，大家可以參考一下！

 

再嚟就係去雲泉仙館食食午餐，走走逛逛！

 

好快，到了最尾一站，就係任飲任食豆漿豆花，豆腐花好香好香豆味，又好滑，超正！

 

 

 

 

 

 

 

 

 

東涌大澳

今日天朗氣清，仲要明日假期，最啱就係去行山。
 

由東涌無間斷咁行去大澳，雖然期間完全冇休息，但都係慢慢行，唔太攰，花了三個半鐘就行到大澳了。

 

 

 

 

韓式青瓜

朋友們好鍾意享網上一家自製韓式醃物訂野食，有泡菜﹑青瓜﹑牛仔骨﹑豬扒等等，佢地話牛仔骨超正，尤其打算去BBQ，一定要order些去燒，人人都爭住燒嚟食，可惜我唔食牛。

 

今次見佢地又order野，我又訂D青瓜嚟食吓先，果然正；一打開，好香韮菜味，食落青瓜好爽脆好香青瓜味，而韓式醬料味亦濃，好夠味，但不會太辣，正正正！

 

今次我只柯打咗 1 lb ($30)，不消20分鐘，轉眼就吃清光，下次要訂多D先得！

 

 

 

 

 

等得太久

國慶日朋友們選擇了入南生圍，佢地話未坐過橫水渡，想試吓，又可以親親大自然

 

 

 

之後，去了一間新食店，新嘅意思只不過是我未幫襯過，開左有幾耐我都唔知。

 

味道絕對係好味，但可惜等得太久，由我地點好菜起計，一個鐘了，都未有任何食得嘅野上到，只上了啤酒同汽水，眼見旁邊四五張枱都陸陸續續唔等，起身走人，我地都叫埋單去別處搵食，佢就拿拿聲上一碟野比我地，好彩，跟住的第二第三碟都唔係等好耐，但好景不常，最後果碟.......睇睇錶，上最後果碟時，已經距離點菜時間兩個鐘了。

 

呢餐飯真抵坐，好彩冇蚊！

 

 

 



 P.S. 本人覺得，每個小菜都好好味，唯獨"鹽焗雞" 雞肉比較鞋，但味道係好味。